My Mooi Dorp Webinaar

Maak jou dorp 'n mooier en beter plek...

Op 9 September het Barend la Grange, voorheen van South Africa Day, Mari Hudson van RSG se program My Mooi Dorp en Braam Hanekom van die Sentrum vir Publieke Getuienis saam 'n webinaar aangebied.

Hulle het gesels oor hoe Suid-Afrikaners die sosiale kohesie op hulle dorpe kan verbeter en watter praktiese dinge gedoen kan word om van ons land se dorpe mooier en beter plekke te maak. Praktiese voorbeelde van dorpe waar daar reeds ‘n verskil gemaak is, was bespreek. Gemeenskapsleiers wat reeds by die verbetering van dorpe betrokke was, het ook deel van die paneel gevorm. Kyk gerus na die opname van die sessie onder.