Dr. Braam Hanekom en die Sentrum vir Publieke Getuienis besoek dorpe regoor Suid -Afrika om gesprekke met die gemeenskap en sy leiers te fasiliteer om sodoende 'n kultuur van eenheid en wedersydse respek te kweek. Die uiteindelike doel is om 'n gevoel van omgee en diensbaarheid by die mense binne die gemeenskap te vestig.

Sedert 2019 is die Sentrum vir Publieke Getuienis besig om kerkgroepe op dorpe te help om oor die gevoel van samesyn in hul dorpe na te dink. By so ‘n dorpsgesprek word die volgende vier vrae gewoonlik gestel:

 

  • Wat is die stand van verhoudinge en sosiale kohesie op die dorp?

  • Wat is tans die grootste uitdagings?

  • Hoe sien die verskillende gemeenskappe dit?

  • Wat is die een of twee aksies wat nou geloods moet word?

#100DorpeDialoog gaan vyf dorpe besoek in Julie en Augustus

 

Ons is opgewonde om die volgende datums en plekke bekend te maak, waar daar hierdie kwartaal inklusiewe gesprekke oor die toekoms van die dorpe gaan plaasvind:

 

  • Piet Retief - 25 Julie

  • Koringberg - 28 Julie

  • Heidelberg - 4 Aug

  • Graaff-Reinet - 11 Aug

  • Oudtshoorn - 25 Aug

As daar mense is wat belangstel in soortgelyke gesprekke in hulle gemeenskap, kan hulle gerus die onderstaande vorm invul. Indien daar persone is wat van die bogenoemde gesprekke wil bywoon, kontak asseblief vir Annelie by spg@kaapkerk.co.za.

Ons glo dat sosiale kohesie in Suid-Afrika moontlik is. Maar ons weet dat ons dit nie alleen kan doen nie. Ons het jou hulp nodig! Voltooi die onderstaande vorm en ons reël 'n sessie met gemeenskapsleiers en lede in jou dorp of voorstad.

Doen nou aansoek! Kom ons fasiliteer  'n gesprek in u gemeenskap
arrow&v
arrow&v
arrow&v